Datenschutz

Verantwortlich

MIXITART Verein, Soodstrasse 55, 8134 Adliswil. Asprechperson: Melinda Melcher, hello@mixitart.ch.

Grundsatz

Mir bearbeitand Personadata nach em Schwiizer Datenschutzgesetz (DSG) und nur so wiit, wia das für üsi Vereinszweck nötig isch. Mir verkaufand kei Data.

Kontakt per E-Mail

Wenn du üs schriibsch, verwendand mir dini Agaba nur, zum dini Afrog beantworta. D Nachrichta werdand glöscht, sobald si nit meh bruucht werdand.

Hosting und Server-Logs

Bim Bsuech vo dr Website werdand technisch notwendigi Data (z. B. IP-Adresse, Ziitpunkt, Browser) vom Hosting-Abieter kurzziitig gspeicheret, zum da sichera Betrieb z gewährleista. Es werdand kei Analyse- oder Werbe-Cookies igsetzt.

Schrifta

Für d Darstellig ladand mir Schrifta vo Google Fonts. Debii wird dini IP-Adresse an Google übermittlet, au ins Usland (z. B. USA).

Früaheri Studio-Ameldiga

D früehneri Flexplatz-Buechig und Fixplatz-Wartelista sind igstellt. Agaba, wo scho vorhanda sind, sind nur für da Vorstand zuagänglich und bliiband nur so lang gspeicheret, wia si für d Verwaltig, d Abrechnig oder gesetzlichi Ufbewahrigspflichta nötig sind. Für Uskunft oder Löschig: hello@mixitart.ch.

Membership und Zahliga

Bi dr Membership-Ameldig speicherand mir Nama, E-Mail, Adressa, Beitragsstufa, freiwilligi Nachricht, Statutabestätigung und da Zahlungs- und Kündigungsstatus für d Vereinsverwaltig und Buechhaltig. Stripe verarbeitet d Zahlungsdata und Agaba zur Abrechnig; Kartaagaba werdand nit bi MIXITART gspeicheret. Debii könnand Data au ins Usland übermittlet werda. Zuegriff uf Ameldiga het nur d Vereinsverwaltig. Din persönlich Verwaltungslink ermöglicht da Zuegriff uf din Status und d Kündigung; gib en nit wiiter. Data bliiband nur so lang gspeicheret, wia si für Membership, Abrechnig und gesetzlichi Ufbewahrigspflichta bruucht werdand.

Externi Links

Links zu WhatsApp, Google Maps oder stimuli-spiel.ch füahrand zu andera Abieter. Dört geltand dera Datenschutzbestimmiga.

Dini Recht

Du chasch jederziit Uskunft über dini Data verlanga und au, dass si berichtigt oder glöscht werdand. Schriib dezua an hello@mixitart.ch.